42 bitkoinə bu ölkənin vətəndaşlığını almaq olacaq

0

Sakit Okeanda yerləşən Vanuatu vətəndaşlığını bitkoinlə satan ilk ölkə olacaq. 

TASS agentliyinin məlumatına görə, bu ölkədə vətəndaşlıq haqqı 200 min ABŞ dolları və ya 42 bitkoin təşkil edir. Bu barədə VIC (Vanuatu Information Center) – Vanuatu Məlumat Mərkəzinin rəhbəri Jeffrey Bond elan edib.

Vanuatu qərbdə Avstraliya, şərqdə isə Fici adaları ilə sərhədlərə sahibdir. Ümumi sahəsi 12 200 kv. km, əhalisinin sayı 273 min olan Vanuatu biznesmenlər üçün maraqlı ölkələrdən biridir. Belə ki, bu ölkədə fövqəladə vergi güzəştləri təklif edilir və bu ölkənin vətəndaşı olanlar dünyanın 113 ölkəsinə, o cümlədən Avropa İttifaqı ölkələri və Böyük Britaniyaya vizasız gedə bilərlər.