Somalidə baş verən partlayışlar zamanı 23 nəfər ölüb

Somalinin Qalkayo şəhərində partlayıcı qurğunun işə düşməsi nəticəsində ölənlərin sayı 23 nəfərə çatıb.
Yerli hakimiyyət orqanlarının verdiyi xəbərə görə, bundan əvvəl 15 nəfərin öldüyü bildirilsə də, say hər gün artmaqda davam edir.
Məlumata görə, hökumət binasının qarşısında əvvəlcə yük maşını, bir dəqiqə fasilədən sonra isə avtomobili partladılıb.
Terror aktına görə məsuliyyəti radikal İslamçı qrup “Əş-Şabab” terror təşkilatı öz üzərinə götürüb.
Qeyd edək ki, bu qruplaşmanın beynəlxalq terror təşkilatı “Əl-Qaidə” ilə sıx əlaqələri var.