Ukrayna Azərbaycanın şifariş verdiyi təyyarələrin istehsalına başlayıb

Ukraynanın “Antonov” dövlət müəssisəsi Azərbaycan aviaşirkəti ilə müqavilə çərçivəsində bu modeldən olan on ədəd “An-178” təyyarəsinin istehsalı üzrə işlərə başlayıb. Bu barədə Ukrayna mətbuatı məlumat yayıb. 
“Antonov” dövlət müəssisəsinin prezidenti Aleksandr Kotsyuba qeyd edib ki, “An-178”-in sertifikatlaşdırma sınaqlarının keçirilməsi şirkət üçün əsas prioritetlərdən biridir: “Biz təyyarələri CS-25 Avropa normalarının tələblərinə uyğun sınayırıq”.
Hazırda “An-178” ümumilikdə müddəti 160 saatdan çox olmaqla, təxminən 100 uçuş yerinə yetirib.
Müəssisənin mətbuat xidmətinin məlumatına görə, bu gün təyyarə uçuş sınaqlarını davam etdirməyə hazırdır. Həmçinin altlıqlar və konteynerlərdə malları yükləmə və boşaltmanı həyata keçirmək planlaşdırılır.

 

MƏNBƏAzərtac
Əvvəlki məqaləTürkiyədə Avropanı Asiyaya birləşdirən üçüncü körpü açılıb – FOTO
Növbəti məqalədəFitch: “Azərbaycanda devalvasiyanın gecikməsi dövlət xərclərinin artmasına səbəb olub”