“ABŞ bütün dünyanı növbəti dəfə aldadır”

Rusiya Xarici İşlər Nazirliyinin rəsmi nümayəndəsi Mariya Zaxarova Suriyadakı böhranı həll etmənin tək yolunun müxalifət və terroristləri bir-birindən ayırmaq olduğunu söyləyib.
Rusiya telekanallarından birinə müsahibə verən Zaxarova Suriyadakı böhranın həll yolu haqqında danışıb: “Resept sadədir. Hər yerdə yazılıb, qəbul olunub, heç bir yerdə axtarmağa ehtiyac yoxdur. Bu, müxalifətin terroristlərdən ayrılması ilə həyata keçə bilər. Adını istədiyiniz kimi qoya bilərsiz, ancaq onlar silahı yerə qoymayan və silahlı etirazları davam etdirən müxalifətdir”.
Suriyada müxalifəti terroristlərdən ayırmanın siyasi proseslərdən əvvəl həll edilməsinin vacibliyini ifadə edən Zaxarova, “Əgər ABŞ bunların terrorist deyil doğru adamlar olduğunda israr edirsə onları ayırın, Əl Nusra və İŞİD kimi mübarizədə terror yolunu seçən digər qruplaşmalar ilə ortaq heç bir şeyləri olmadığını söyləməyə məcbur edin. Bunların ayırılması və ardından konkret mübarizənin başlaması lazımdır”, – deyə bildirib.
ABŞ Xarici İşlər naziri John Kerrynin BMT Baş Assambleyası toplantısındakı çıxışının mətbuat qarşısında və kameralar üçün edilən bir şou olduğunu söyləyən Zaxarova sözlərini belə yekunlaşdırıb: “ABŞ-ın bütün dünyanı aldatması ilk dəfə baş verən hadisə deyil. ABŞ öhdəliklərinin bütün dünya tərəfindən bilinməsini istəmədiyi üçün Rusiya ilə əldə edilən Suriya razılaşmasını açıqlamaq istəmir”.