Qubada 8 kəndlə əlaqə kəsilib

Qubanın dağlıq bölgəsinə yağan güclü yağış rayondan Xınalıq kəndi istiqamətində gedən yolun bağlanmasına səbəb olub.
“Azəravtoyol” ASC-nin Quba rayon 6 saylı Yol İstismar İdarəsinin Xınalıq kəndi üzrə sahə rəisi Bilal Sultanovun verdiyi məlumata görə, yolun 37-ci kilometrliyindən sonra maşınların hərəkəti mümkün deyil.
Onun sözlərinə əsasən, Xınalığa gedən həm yerli sakinlər, həm də turistlər geri qayıtmaq məcburiyyətində qalıblar. Sahə rəisi bildirib ki, yolun bağlanmasına suyun səviyyəsinin artması nəticəsində Qudyalçayın öz məcrasında çıxması səbəb olub. Yolun tamamilə su altında qalması nəticəsində Xınalıq ilə yanaşı daha 7 kəndlə nəqliyyat əlaqəsi kəsilib. Yağıntı, hələ də davam edir.