Rusiya və ABŞ Suriyada sülhə dair razılaşma əldə edib

Rusiya və ABŞ Suriyada sülhə dair əldə edilmiş razılaşmanın icrasına bazar ertəsi günbatandan sonra qüvvəyə minəcək atəşkəslə başlanacağını bəyan ediblər.
Plana əsasən Suriya hökumət qoşunaları spesifik nöqtələrdə müxalifətə qarşı hərbi əməliyyatları dayadırmalıdır. Razılaşma Suriyada İslam Dövləti qrupuna və əl-Nüsra Cəbhəsinə qarşı müştərək ABŞ-Rusiya mərkəzinin yaradılmasını nəzərdə tutur.
Razılaşma, ABŞ dövlət katibi John Kerry və Rusiya xarici işlər naziri Sergey Lavrov arasında uzun danışıqların ardınca qəbul edilib. Cenevrədə keçirilən mətbuat konfransında Kerry deyib ki, plan hər iki tərəfin “öz öhdəliklərinə əməl etməsindən” asılı olacaq. Dövlət katibi bunu da əlavə edib ki, Suriya rejimi “ciddi olduğunu” nümayiş etdirərsə, müxalifət plana əməl edəcəyini” deyib.
Hərbi əməliyyatların kəsilməsindən 7 gün sonra Rusiya və ABŞ “vahid icra mərkəzi” yaradılacaq. Cənab Lavrov qeyd ebib ki, bu mərkəz Vaşinqton və Moskvaya “terrorçularla müxalifəti bir-birindən ayırmaq imkanı verəcək”. Plana görə bölgədə yalnız ABŞ və Rusiya təyyarələri hərəkətdə olacaq. John Kerry həm də, razılaşma perspektivli olduğunu bildirib. Beləki gələcəkdə siyasi keçidin təşkilinə yol aça bilər.