Azərbaycan məscidlərində “Skype” vasitəsilə xütbə və moizələr dinləniləcək

Azərbaycanda məscidlərdə xütbələrin və moizələrin on-line dinlənilməsi üçün veb-kameralar vasitəsi ilə “Skype” quraşdırılacaq.
Qafqaz Müsəlmanları idarəsindən (QMİ) verilən məlumata görə, artıq hazırlıqlara başlanılıb. Bu sistemin tətbiqindən sonra ölkə daxilində kənar məsafədə istənilən şəxs istənilən məsciddəki qaydalara uyğun söylənilən xütbəni dinləmək imkanı əldə edəcək. Məscidlərə getmək imkanı olmayan şəxslər də evlərində və digər yerlərdə internet üzərindən seçdiyi xütbəni dinləyə biləcək. Hazırda iri və mərkəzi məscidlərdə bununla bağlı veb-kameralar quraşdırılır.
Dini Qurumlarla İş üzrə Dövlət Komitəsinin sədri Mübariz Qurbanlı da bildirib ki, onlar da bu ideyanı dəstəkləyir və bu artıq başqa ölkələrdə tətbiq olunur: “Maraqlı ideyadır. Kim istəməz ki, gedə bilmədiyi halda hansısa məsciddə savadlı bir axundun və ya imamın moizəsini dinləsin”.
Komitə sədri deyib ki, QMİ xütbələr haqqında kitab hazırlayıb və hər yerdə ondan istifadə olunur: “Yeni xütbə kitabçaları üzərində də iş gedir, komissiya üzərində işləyir”.
MƏNBƏAPA
Əvvəlki məqaləMTRŞ: Rəqəmli yayım üçün ödənəcək məbləğ baha olmayacaq
Növbəti məqalədəNeft Fondu ”Beynəlxalq Bank”a 1 mlrd. dollar depozit yerləşdirib