“Mütləq qayıdacağam və yeni hökumətin komlektləşməsinə fəal qoşulacağam”

Gürcüstanın eks-prezidenti, Odessa vilayətnin qubernatoru Mixail Saakaşvili bir daha bəyan edib ki, vətəninə qayıdacaq.
Saakaşvili onu sərhəddə yerli sakinlərin alqışla qarşılayacaqlarına əmin olduğunu da vurğulayıb.
“Mən mütləq qayıdacağam və yeni hökumətin komlektləşməsinə fəal qoşulacağam… Məni həbs etməyi vəd edənlər nəticədə sərhəddə məni alqışla qarşılayacaqlar…
Əziz Gürcüstan vətəndaşları, bizim görüşməyimizə bir neçə gün qalır, cəmisi bir neçə gündən sonra Gürcüstanın yeni gələcəyi başlayacaq”, – o deyib.
Bundan əvvəl Gürcüstanın daxili işlər naziri Qeorqi Mqebrişvili bəyan edib ki, əgər Saakaşvili bu ölkəyə dönərsə, saxlanılacaq.