Vergi borcuna görə ölkədən çıxışı qadağan edilənlərin sayı 942-yə çatıb

Vergilər Nazirliyi vergi borcuna görə Azərbaycandan çıxması qadağan edilən şəxslərin siyahısına növbəti dəfə dəyişiklik edib.
Azərbaycan sərhədlərini tərk etməsi qadağan edilən hüquqi şəxslərin icra orqanlarının rəhbərlərinin sayı 5 nəfər artaraq 569-a çatıb.
Ölkədən çıxışı məhdudlaşdırılan fiziki şəxslərin sayı isə 2 nəfər artıb və hazırda 373 fiziki şəxsin ölkədən çıxışına qadağa var.
Ümumilikdə, sözügedən səbəbdən Azərbaycandan çıxışına icazə verilməyən şəxslərin ümumi sayı 935-dən 942-ə çatıb.
MƏNBƏReport
Əvvəlki məqaləSOCAR Petkim-dəki payının bir hissəsini satıb
Növbəti məqalədəQorbaçov: “Rusiya və ABŞ yenidən müzakirələrə başlamalıdır”