2017-ci ildə “Şahdəniz” platformasında qaz hasilatı profilaktika səbəbiylə dayandırılacaq

BP-Azərbaycan şirkəti 2017-ci ildə Səngəçal terminalında aparılacaq texniki-profilaktik və təmir işləri ilə əlaqədar “Şahdəniz” platformasında qaz hasilatını dayandırmağı planlaşdırır.
Bunu jurnalistlərə BP-Azərbaycanın vitse-prezidenti Bəxtiyar Aslanbəyli deyib.
O qeyd edib ki, gələn il Səngəçal terminalının “Şahdəniz”dən məhsulları qəbul edən hissəsində təmir-bərpa işlərinin aparıması planlaşdırılır:
“Bu işlər yatağın ikinci mərhələsinin hazırlanması ilə bağlıdır. Bununla bağlı “Şahdəniz” platformasında işlər dayandırılacaq və eyni zamanda, profilaktika işləri aparılacaq. Bu, Cənubi Qafqaz boru kəmərinə qoşulmuş bölməyə təsir göstərəcək. Bununla bağlı Gürcüstan və Türkiyəyə qaz ixracı dayandırılacaq.”
Onun sözlərinə görə, bu amil 2017-ci ilin iş planı və büdcədə əks olunacaq.
MƏNBƏTrend
Əvvəlki məqaləNatiq Əliyev OPEC-in qərarına münasibət bildirib
Növbəti məqalədəElgiz Qəhrəmanın işinə baxacaq hakim məlum olub [Foto]