Nazarbayev: “Suriya sülh müzakirələrinə ev sahibliyi etməyə hazırıq”

Qazaxıstan prezidenti Nursultan Nazarbayev Suriya sülh müzakirələrinə ev sahibliyi etməyə hazır olduqlarını ifadə edib.
Nursultan Nazarbayev, Sankt-Peterburqda Rusiya Dövlət Başçısı Vladimir Putin ilə keçirdiyi görüşdə Moskva və Ankaranın Suriya sülh danışıqları ilə əlaqədar təklifi haqqında çıxış edib. “Sputnik” agentliyinin məlumatına görə, Qazaxıstan prezidenti bu sözləri deyib:
“Qazaxıstan, müzakirələrin bütün tərəflərini Astanada qəbul etməyə hazırdır. Dünən Vladimir Putinlə, Türkiyə prezidenti Recep Tayyip Erdoğan və İran prezidenti Həsən Ruhani ilə danışdıq. Hər kəs həmfikir olduğunu bildirib, Suriyalı tərəflərin görüşməsi üçün lazımi şərtləri meydana gətirəcəyik”, – deyə bildirib.
Xatırladaq ki, Tokioda 16 dekabrda Yaponiya baş naziri Şinzo Abe ilə keçirdiyi görüşlərin ardından təşkil edilən mətbuat konfransında danışan Putin, Erdoğanla, Suriyalı tərəflərə Astanada danışıqların müzakirəsi üçün təklif irəli sürəcəklərinə dair razılaşdıqlarını ifadə etmişdi.