“Azəriqaz”: Məcburi köçkünlərin yaşayış yerlərində qaz sayğacları quraşdırılacaq

Məcburi köçkünlərin və onlara bərabər tutulan şəxslərin yaşayış yerlərində qaz sayğaclarının quraşdırılmasına yaxın zamanlarda başlanılacaq.
Bunu Trend-ə Azərbaycan Dövlət Neft Şirkətinin “Azəriqaz” İB-nin mətbuat xidmətinin rəhbəri İbrahim Kərbalayev deyib.
Onun sözlərinə görə, bu tapşırıq Azərbaycan Prezidentinin məcburi köçkünlərə və onlara bərabər tutulan şəxslərə aylıq müavinətin verilməsi barədə fərmanı əsasında həyata keçirilir.
Qeyd edək ki, ötən gün Azərbaycan Prezidenti İlham Əliyev məcburi köçkünlər və onlara bərabər tutulan şəxslər üçün vahid aylıq müavinətin müəyyən edilməsi haqqında fərman imzalayıb.