Belarusiya İrandan neft alacaq

Belarusiyanın BelOil Polska şirkəti İrandan neft alınması ilə bağlı razılığa gəlib. Bu barədə İran Milli Neft Şirkətinin (NIOC) press-relizində bildirilir.  
NIOC-un verdiyi məlumata əsasən, BelOil Polska 2017-ci ilin fevralında çatdırılması nəzərdə tutulan 600 min barel neft alıb. Bu sanksiyaların qaldırılmasından sonra İranın Belarusiyaya ilk xam neft satışıdır.
Reutersin verdiyi məlumata görə, xam neft Belarusiyaya qara dənizdən Odessa limanı və Baltik dənizindən Ventspils limanından çatdırılması nəzərdə tutulur.
Qeyd edək ki, fevralın əvvəlində Moskva Belarusiyanın qaz alışından borcunu ödəmədiyinə görə neft çatdırılmasını azaltmağa qərar verib. Bundan sonra Belarusiya prezident Aleksandr Lukaşenko Rusiyanın pozisiyasını “lağa qoymaq” adlandırıb:” Söhbət qazdan gediridi. Onlar heç bir danışıq olmadan nefti kəsməyə başladılar”.