ABŞ-ın ATƏT-dəki daimi nümayəndəliyi Mehman Hüseynovun azadlığa buraxılmasına çağırıb

ABŞ-ın ATƏT-dəki  daimi nümayəndəliyi azərbaycanlı bloger Mehman Hüseynovun barəsində hökmü və Nəsimi polisində ona işgəncə verilməsini  pisləyən bəyanat yayıb.

Turan-ın məlumatına görə ABŞ nümayəndəliyinin ATƏT Daimi Şurasına müraciətində deyilir ki, Azərbaycan hakimiyyəti M.Hüseynovu və digər fəalları azadlığa buraxmalı, repressiyalara, vətəndaş fəallarının azadlıqlarının boğulmasına son qoymalı, həmçinin  M.Hüseynovun hüquqlarının pozulmasında günahkar olanları cəzalandırmalıdır.