Bu il Azərbaycanda 96 nəfər qidadan zəhərlənib, 3-ü dünyasını dəyişib

Bu ilin fevral ayı ərzində Azərbaycanda əhali arasında 36 qida zəhərlənməsi faktı qeydə alınıb.

Səhiyyə Nazirliyi Respublika Gigiyena və Epidemiologiya Mərkəzindən Abzas.net-ə verilən məlumata görə, hadisələr nəticəsində 52 nəfər zərər çəkib.

Fevral ayında 2 botulizm hadisəsi baş verib ki, bundan da 4 nəfər zəhərlənib. Qida zəhərlənmələri nəticəsində 2 nəfər dünyasını dəyişib. Qida zəhərlənmələrinin hamısı məişət zəminində hazırlanan məhsullardan baş verib.

Ümumilikdə isə bu ilin yanvar-fevral ayları ərzində 67 qida zəhərlənməsi faktı qeydə alınıb ki, nəticədə 96 nəfər zərər çəkib. İki ay ərzində qeydə alınan 7 botulizm hadisəsi nəticəsində 14 nəfər zəhərlənib. Hadiəslər nəticəsində ümumilikdə 3 nəfər dünyasını dəyişib.