Bazar ertəsi, 21 Sentyabr, 2020
Ev Ədəbiyyat “Doktor Jivaqo” Azərbaycan dilində

“Doktor Jivaqo” Azərbaycan dilində

“Qanun” nəşriyyatı 20-c əsrin şedevrlərindən sayılan Boris Pasternakın “Doktor Jivaqo” əsərini Azərbaycan dilində nəşr edib. 
Hələ sağlığında XX əsr dünya ədəbiyyatının ən yaxşı şairlərindən biri hesab edilən Boris Pasternak ona dünya şöhrəti və Nobel mükafatı gətirən “Doktor Jivaqo” romanıyla həm də mahir bir nəsr ustası kimi tanındı. XX əsrin birinci yarısında, Rusiya tarixinin kəskin ziddiyyətlər və təlatümlərlə dolu bir dövründə baş verən hadisələrin lirik-psixoloji səpkili bədii salnaməsi olan bu əsərdə cəmiyyətin müxtəlif zümrələrinə mənsub insanların taleləri, onların qarşılıqlı münasibətləri və üzləşdikləri faciələr dolğun, rəngarəng boyalarla təsvir edilib.
“Doktor Jivaqo” aktuallığını bu gün də qoruyub saxlayan tarixi romandır, siyasi romandır, müharibə romanıdır, nəhayət, hər addımbaşı oxucunu öz sehrinə alan əsrarəngiz bir sevgi romanıdır.
Əsəri Mehman Cavadoğlu tərcümə edib.