İlin əvvəlindən 635 nəfər bank sektoru ilə vidalaşıb

2017-ci ilin aprelin ayının 1-ə Azərbaycanın bank sektorunun işçi heyətinin sayı 16 312 nəfər təşkil edib. APA xəbər verir ki, bu barədə Maliyyə Bazarlarına Nəzarət Palatasının (MBNP) açıqladığı statistikada deyilir.
Rəqəmlərin təhlili göstərir ki, martda bank sektorunda çalışanların 350 nəfəri işdən çıxıb. Belə ki, fevral ayındakı statistikaya əsasən, bank sektorunda çalışanların sayı 16 662 nəfər olub.
Ümumiyyətlə, bu ilin 3 ayında bank sektorunu 635 nəfər tərk edib. Belə ki, bu ilin yanvarın 1-ə bank sektorunda çalışan işçilərin sayı 16 947 nəfər olub.
Qeyd edək ki, bu ilin I rübündə ölkədə 32 bank fəaliyyət göstərib.