Gürcüstanın spikeri: “Parlament də Əfqan Muxtarlı işinə qoşulacaq”

Gürcüstan parlamentinin sədri Irakli Kobakhidze ümid edir ki, azərbaycanlı jurnalist Əfqan Muxtarlının işi üzrə təhqiqat tezliklə sona çatacaq.
“Bu işlə bağlı biz müxtəlif versiyalar eşitmişik. Azərbaycan tərəfinin rəsmi versiyasını, həmçinin vəkilin versiyasını eşitmişik. Hökumət bu barədə bəyanat verib və hələ ki, araşdırma aparılır. Əlbəttə, parlament də bu prosesə qoşulacaq. Biz xüsusilə, kommunikasiya işlərini aparacağıq. Ümid edirəm ki, bu məsələ tam aydınlığa qovuşacaq”, – deyə Irakli Kobakhidze bildirib.
Jurnalist Ə. Muxtarlı mayın 29-u oturum icazəsi olduğu Gürcüstandan zorla Azərbaycana gətirilib. Azərbaycan tərəfi jurnalistə Cinayət Məcəlləsinin 315.2, 318.1, 206.1 maddələri ilə ittiham irəli sürüb. Məhkəmənin qərarı ilə ona ilkin istintaq dövründə 3 aylıq həbs cəzası verilib.