BEA: İlin ikinci yarısında neft bazarı balansa yaxınlaşacaq

Beynəlxalq Enerji Agentliyi (BEA) qlobal neft bazarında tələb və təklifin balansa doğru hərəkət etdiyinə əmindir.
“APA-Economics”in xəbərinə görə, BEA-nın icraçı direktorunun müavini Pol Saymons CNBC telekanalına müsahibəsində bildirib ki, 2017-ci ilin ikinci yarısında bazarda müəyyən balansın nail olunmasına yaxınlaşdığının şahidi olacağıq: “2018-ci ilin əvvəli ilə bağlı proqnoza gəldikdə, düşünürəm ki, burada bir az qeyri-müəyyənlik var”.
Elektromobillərin və alternativ enerji mənbələrinin populyarlığının artmasına baxmayaraq, P. Saymons inkişaf etməkdə olan ölkələrdə iqtisadi artım sayəsində ortamüddətli perspektivdə neftə olan tələbatın artacağını gözləyir.