Naxçıvan əhalisinin sayı 450 min nəfəri ötüb

Naxçıvan Muxtar Respublikası əhalisinin sayı 450 min nəfəri ötüb.

“Report” Naxçıvan Dövlət Statistika Komitəsinə istinadən xəbər verir ki, bu ilin may ayının 4-də muxtar respublikanın 450 mininci sakini doğulub.

Məlumata görə, son illər əhali artımında müsbət miqrasiya ilə yanaşı yeni doğulanların sayı da əsas rol oynayıb, muxtar respublika əhalisinin sayı bir il öncəyə nisbətdə 4 min 200 nəfər artaraq 1 iyun tarixə 450 min 400 nəfəri ötüb.