Kim Çen İn İtaliyadakı futbolçunu hədələdi — “Televiziyaya çıxma”

Şimali Koreya lideri Kim Çen İn İtaliyada yaşayan futbolçu Kvanq Sonq Hanın canlı yayıma çıxmasının qarşısını alıb

Abzas.net xəbər verir ki, futbolçu “Əgər televiziyaya çıxsan, ölkəyə qayıdarsan” sözləri ilə hədələnib.

Ötən mövsüm İtaliyanın “Cagilari” komandasında forma geyinən və bu mövsüm “Perugia” komandasına kirayəyə götürülən Şimali koreyalı futbolçu 6 oyunda 5 qol vuraraq diqqət cəlb edib.

İtaliyanın “RAİ2” kanalına dəvət edilən futbolçu Milandakı studiyaya təşrif buyurub. Bir otelə yerləşdirilən 19 yaşlı ulduz futbolçu yayıma 10 dəqiqə qalmış Pxenyandan edilən zəngdən sonra verilişə çıxmayıb.

Klubun prezidenti bildirib ki, Kim Çen İn ulduz futbolçunun verilişə çıxmasının qarşısını alıb. Əks halda, futbolçu ölkəsinə geri qayıtmalı olacaq. Bu isə Kvanq Sonq Hanı ölümə göndərmək deməkdir.