Zakir Həsənov Tacikistana səfər edib

Müdafiə naziri, general-polkovnik Zakir Həsənov Tacikistana səfər edib.

Abzas.net xəbər verir ki, bu barədə Müdafiə Nazirliyinin mətbuat xidməti məlumat verib.

Səfər çərçivəsində Zakir Həsənov 12 oktyabrda Tacikistanın paytaxtı Düşənbədə keçiriləcək Müstəqil Dövlətlər Birliyi iştirakçı-dövlətlərinin Müdafiə Nazirləri Şurasının növbəti iclasında iştirak edəcək.

Azərbaycan Respublikasının Müdafiə naziri, general-polkovnik Zakir Həsənov oktyabrın 12-də Müstəqil Dövlətlər Birliyi iştirakçı-dövlətlərinin Müdafiə Nazirləri Şurasının növbəti iclasında iştirak etmək üçün bu gün Tacikistan Respublikasının paytaxtı Düşəndə şəhərinə yola düşüb.