İqtisadiyyat Nazirliyi olmayan saytın təqdimatını keçirib

İqtisadiyyat Nazirliyi “Lisenziyalar və icazələr” portalının biznes ictimaiyyəti və dövlət strukturları üçün təqdimatını keçirib. Ancaq hələlik nə saytın özü var, nə də onun domeni məlumdur.

Sahibkarlıq fəaliyyəti üçün lisenziya və icazələrin verilməsinə imkan yaradan saytın olması haqda qərar 2 il öncə qəbul edilib. Saytın hazırlanması üzrə tender keçirilib. 2016-cı ildə bildirilib ki, bu iş ilə dövlət “İnnovasiyalar Mərkəzi” MMC məşğul olacaq. Dövlət şirkəti bu işə görə dövlət büdcəsindən 737,9 min manat alıb.