Gürcüstan 3,5 milyard dollarlıq infrastruktur layihələri həyata keçirəcək

“Gürcüstanda bu il infrastruktur layihələrlə bağlı 3,5 mlrd. dollar dəyərində müqavilələr imzalanacaq”.

Bu barədə Gürcüstanın infrastruktur və regional inkişaf naziri Zurab Alavidze deyib.

O bildirib ki, 2018-ci ildə həyata keçirilməsinə başlanılacaq infrastruktur layihələr həm turizm, həm də su təminatı sahəsi üzrə olacaq: “Bu layihələrlə bağlı müqavilələrin əsas hissəsi ilin ikinci yarısında imzalanacaq. Layihələrin icrası 2021-ci ildə başa çatdırılmalıdır”.

Z. Alavidze qeyd edib ki, nəzərdə tutulan layihələr tanışlıq üçün yerli şirkətlərlə yanaşı, xarici investorlara da təqdim olunacaq.