Azərbaycanlı Rusiyada nazir müavini təyin olundu

Rusiyanın baş naziri Dmitri Medvedev Azər Talıbovu Rusiya Federasiyasının İqtisadi İnkişaf nazirinin müavini vəzifəsinə təyin edib.
Bu barədə Rusiya Nazirlər Kabinetində dərc olunmuş sərəncamda qeyd olunur.

“Talıbov Azər Mütəllim oğlu Rusiya Federasiyası iqtisadi inkişaf nazirinin müavini təyin olunsun”, – deyə sənəddə bildirilir.

RF İqtisadi İnkişaf Nazirliyinin saytında yayılan məlumata görə, hazırda nazir Maksim Oreşinin müavinlərinin sayı 11-ə çatıb.

Yeni nazir müavini kadr siyasəti ilə bağlı məsələlərə, nazirin fəaliyyətini təmin etməyə, hüquqi məsələlər və maliyyə fəaliyyətinə cavabdeh olacaq.

Əvvəlki məqaləAzərbaycan “İqtisadi Azadlıq İndeksi”ndə 67-ci yerdə qərarlaşıb
Növbəti məqalədəFransada 5 miqrant güllələnib