Myanma prezidenti istefa verib

Myanma prezidenti Htin Kyaw istefa verib.

Rusiya mətbuatının məlumatına görə, Htin Kyaw prezident seçildikdən 2 il sonra istefa verib.

71 yaşlı Kyaw 2016-cı ildə parlament tərəfindən prezident seçilmişdi.

O, istirahətə ehtiyacı olduğunu və məhz bu səbəbdən istefa verdiyini bildirib.

Bir meddət öncə Kyaw-ın səhhətində problemlərin olduğu və onun istefaya gedəcəyi barədə xəbərlər dolaşsa da, hakimiyyət bu xəbəri təkzib etmişdi.

Parlament qarşıdakı 7 gün ərzində yeni prezident seçəcək.