Türkiyə İsrail səfirini geri göndərdi

0

İsrailin Ankaradakı səfiri Eiatan Neah Türkiyə Xarici İşlər Nazirliyinə (XİN) çağırılıb.

“Anadolu” agentliyi xəbər verir ki, səfirin XİN-ə çağırılmasına səbəb dünən Qəzzada baş verən qanlı hadisələrdir.

Məlumata görə, israilli diplomata Qəzza-İsrail sərhədindəki hadisələrlə bağlı etiraz edilib.

XİN-dəki mənbələrə görə, İsrail səfirinə Türkiyənin Təl-Əvivdəki səfirinin məsləhətləşmələr üçün Ankaraya çağırıldığı və onun da bir müddət sonra ölkəsinə dönməsinin uyğun olacağı bildirilib.

“Haaretz” qəzeti də yazıb ki, səfir Eitan Naehdən Türkiyədən ayrılması istənilib.