Əli Həsənovun nəvəsi azadlığa buraxıldı

Baş nazirin müavini, Qaçqın və Məcburi Köçkünlərlə İş üzrə Dövlət Komitəsinin sabiq sədri Əli Həsənovun nəvəsi Nail Allahverdiyev həbsdən buraxılıb.

Avqustun 2-də Bakı Apelyasiya Məhkəməsində bu barədə qərar çıxarılıb. Qərarı Faiq Qasımovun sədrlik etdiyi hakimlər kollegiyası verib.

İki nəfərin öldüyü, dördünün də yaralandığı yol qəzası törətməkdə ittiham olunan N.Allahverdiyev şərti cəza ilə buraxılıb. Zərərçəkmişlərin heç birinin şikayətçi olmamasını əsas gətirən məhkəmə Baş nazirin müavininin nəvəsinə Cinayət Məcəlləsinin 70-ci (şərti məhkum etmə) maddəsini tətbiq edib.