18 yaşlı əsgərin intihar etdiyi bildirilir

0

Avqustun 8-də axşam saatlarında Lerik rayonunun Kıncıvo kənd sakini, 2000-ci il doğumlu Fəhmin Akif oğlu Əbilovun Beyləqanın “N” saylı hərbi hissəsində özünü güllə ilə vuraraq öldürdüyü bildirilir.

Meydan TV-yə danışan ailəsi isə onun özünü öldürmə ehtimalının olmadığını, bədənində yara və zorakılıq izləri aşkarlandığını bildiriblər.

Meydan TV məlumatın həqiqət olub-olmadığını dəqiqləşdirmək üçün Lerik rayonu, Kıncıvo kənd icra nümayəndəsi Elxan Aslanovla əlaqə saxlayıb. İcra nümayəndəsi məlumatı təsdiqləyib, ilkin rəyin əsgərin intihar etməsi olduğunu söyləyib:

“Hələlik, araşdırma gedir. Mərhumun meyiti kənddədir, ancaq dəfn edilməyib. Ekspertiza təyin edilib, meyidə baxış keçirilib. Ailəsi uşağın özünü öldürməsinə inanmır. Buna görə ekspertiza təyin edilib. Yəqin çox saxlamazlar, axşama dəfn də edərlər”.