“Paşa Holdinq”-ə yaxın 5 şirkət birləşdiyini elan edib

0

Beş şirkət avqustun 8-də birləşmə barədə qərar verib. Vergilər Nazirliyinin orqanında verilən məlumata görə, birləşmə onların ikisinin ətrafında baş verəcək.

“Capital Hotel Company” MMC-nin (vergi ödəyicisinin eyniləşdirmə nömrəsi 1404060641) və “Azestate” MMC-nin (VÖEN 1402129861) təsisçiləri “Rey” (VÖEN 1700786141) ilə birləşməyə qərar verib. “Real Estate & Industrial Development” MMC (VÖEN 1300128641) Reliance (VÖEN 1401766831) ilə birləşir. Qoşulmalardan sonra “Capital Hotel Company”, “Azestate” və “Real Estate & Industrial Development” şirkətləri fəaliyyətini dayandıracaq.
Maraqlıdır ki, kommersiya hüquqi şəxslərin açıq reyestrində “Rey” və “Reliance” şirkətləri haqqında heç bir məlumat yoxdur və bu, qanuna ziddir.
Kommersiya hüquqi şəxslərin reyestrinə əsasən, 2001-ci ildə yaradılan “Real Estate & Industrial Development” MMC-yə Mir Cəlal Aqil oğlu Paşayev rəhbərlik edir. Bakı şəhəri, Süleyman Rüstəm küç. 9 ünvanında yerləşən “Azestate” MMC-nin təsisçisi Əhmədağa Sadıqovdur. Bu biznes mərkəzində “AtaHoldinq” şirkətinin bir hissəsi olan bir neçə şirkətin ofisi var. “Capital Hotel Company” MMC 2017-ci ildə təsis edilib və “PMD Group” (“Pasha Holdinq” MMC-də daxildir) şirkətlər qrupu tərəfindən idarə olunur.
Xatırladaq ki, bu ilin iyun ayında “Bilgəh Otel Tikinti” MMC “Reliance” MMC-yə, “SBM-A” MMC isə “Rey” MMC-yə birləşib. Bu qoşulan şirkətlər “Azinko Holdinq” şirkətlər qrupuna aiddir.