Nemət Pənahlının apellyasiya şikayəti təmin olunmadı

Azərbaycan Milli Dövlətçilik Partiyasının sədri Nemət Pənahlı inzibati qaydada həbs olunması ilə bağlı məhkəmə qərarından apellyasiya şikayəti verib.

Bu gün onun şikayətinə Bakı Apellyasiya Məhkəməsində baxılıb.

Hakimin qərarına əsasən, N.Pənahlının şikayəti təmin edilməyib.

Qeyd edək ki(“Report”), keçən həftə Nəsimi Rayon Məhkəməsi qərarına əsasən, ona İnzibati Xətalar Məcəlləsinin 535.1-ci (Polis işçisinin və ya hərbi qulluqçunun qanuni tələbinə qəsdən tabe olmama) maddəsi ilə 30 sutka həbs cəzası verilib.