Paşinyanın bloku sorğuda 68,3% səs yığıb

“Gallup İnternational Association” ictimai rəy təşkilatının Ermənistan nümayəndəliyi seçki sorğusu aparıb.

Məlumata görə, noyabrın 17-dən 21-dək bütün ölkə üzrə keçirilmiş sorğuya 1111 nəfər qatılıb.

Respondentlərin 68,3%-i dekabrın 9-na təyin olunmuş növbədənkənar parlament seçkisində “Mənim addımım” blokuna səs verəcəyini bildirib. Bu blokun namizədlərinin siyahısında baş nazir səlahiyyətlərinin icraçısı Nikol Paşinyan birincidir.

Sorğuya qatılanların 6,7%-i Çiçəklənən Ermənistan Partiyasına dəstək ifadə edib.

Sabiq prezident Serj Sərkisyanın liderlik etdiyi Ermənistan Respublika Partiyası sorğuda 1,5% nəticə göstərib.

Qalan seçki iştirakçılarının göstəriciləri belədir:

İşıqlı Ermənistan Partiyası – 1,2%

Daşnaksütun Partiyası – 1%

Sasun Dəliləri Partiyası – 0,9%

“Bizlər” bloku – 0,3%

Xristian Demokrat Dirçəlişi Partiyası – 0,3%

Vətəndaş Qərarı Sosial Demokrat Partiyası – 0,2%

Qanunçuluq Ölkəsi Partiyası – 0,1%

Milli Tərəqqi Partiyası – 0%.

Proporsional üsulla seçilən parlamentə keçid həddi partiyalar üçün 5 faiz, bloklar üçün 7 faizdir.