Venesuela parlamenti prezident Maduronu qəsbkar elan edib

Venesuela Milli Assambleyası (parlament) ikinci müddətə yenidən seçildikdən sonra prezident vəzifələrinin icrasına başlaması ilə əlaqədar olaraq Nikolas Maduronun qəsbkar elan olunduğu qanun qəbul edib.

Bu barədə “Reuters” məlumat yayıb.

Məlumata görə, belə bir tədbir Maduronun bütün hərəkətlərinin etibarsız sayılmasını nəzərdə tutur.

Daha əvvəl ABŞ prezidenti Donald Trampın Venesuela parlamentinin spikeri, müxalifətyönlü siyasətçi Xuan Quaydonun Vaşinqtonun legitimliyini tanımadığı dövlət başçısı Nikola Maduronun əvəzinə bu ölkənin prezidenti kimi tanınması mümkünlüyünü rəsmi olaraq nəzərdən keçirdiyi xəbər verilib.