Əmək və əhalinin sosial müdafiəsi nazirinin yeni müavini təyin olunub

Anar Kərimov

Azərbaycan prezidenti İlham Əliyevin sərəncamı ilə Anar Mehman oğlu Kərimov əmək və əhalinin sosial müdafiəsi nazirinin müavini təyin edilib.

İdarənin ictimaiyyətlə əlaqələr şöbəsi bu məsələ ilə bağlı məlumatında Kərimov haqqında bioqrafik arayış təqdim edir.

O, 1979-cu ildə Bakıda anadan olub. 1999 və 2002-ci illərdə Bakı Dövlət Universitetinin beynəlxalq hüquq ixtisası üzrə bakalavr və magistratura pillələrini bitirib.

Amerika Universitetində (Vaşinqton, ABŞ) beynəlxalq iqtisadi hüquq üzrə magistr dərəcəsi alıb.

Amerika-Azərbaycan Ticarət Palatasında (ABŞ), Azərbaycan DİN-də, İslam İnkişaf Bankında, İqtisadi İnkişaf Nazirliyində işləyib.

Vəkillər Kollegiyasının üzvüdür, hüquq elmləri namizədi dərəcəsinə malikdir, universitetlərdə müəllimlik fəaliyyəti ilə məşğul olub.

Bu təyinatdan əvvəl əmək və əhalinin sosial müdafiəsi nazirinin müşaviridir.

Azərbaycan dili ilə yanaşı ingilis, fransız və rus dillərini bilir. Evlidir, üç övladı var.

Əvvəlki məqaləÇexiyadakı səfir yeni yaradılan mərkəzin sədri təyin edildi [kimdir?]
Növbəti məqalədəAzərbaycanın ən uğursuz İT layihələri – 180 milyon manat [infoqrafika]