“Benfika” baş məşqçisi ilə müqaviləni uzadıb

“Benfika” baş məşqçisi Bruno Lageylə müqaviləni uzadıb. Bu barədə klub rəsmi açıqlama yayıb. 

Məlumata görə, 42 yaşlı mütəxəssislə 2023-cü ilin yayına qədər sözləşmə imzalanıb.

Bu ilin yanvar ayından portuqaliyalı çalışdırıcının rəhbərliyi altında çıxış edən Lissabon təmsilçisi 7 oyunun 6-da qalib gəlib, 1-də uduzub.

“Benfika” komandanın uğursuz çıxışı səbəbindən yanvarda baş məşqçisi Rui Vitoriyanı istefaya göndərmişdi. Bundan sonra Bruno Lageylə mövsümün sonuna qədər müqavilə imzalanmışdı.