Prezident uzun müddətdən sonra yerli televiziyaya müsahibə verib

Azərbaycan Prezidenti İlham Əliyev fevralın 12-də Real TV-yə müsahibə verib.

Bu barədə Real TV-nin sosial şəbəkə hesabında fotolar yerləşdirilib, anons paylaşılıb.

Qısa anonsda qeyd olunub ki, müsahibə bu gün saat 21.00-da Real TV efirində yayımlanacaq. Müsahibəni ölkə başçısından Real TV-nin rəhbəri Mirşahin Ağayev alıb.

Müsahibədə dövlət başçısı Azərbaycanda aparılan islahatların əhatə dairəsi, əsas hədəfi, növbəti addımları barədə suallara cavab verib.

Bununla yanaşı, prezident Dağlıq Qarabağ problemi ətrafında gedən danışıqlar və Azərbaycan Ordusunun gücü mövzusuna da toxunaraq münaqişənin həlli istiqamətində aparılan son müzakirələrdən bəhs edib…