“Qalatasaray” 23-cü dəfə finalda

Türkiyə kubokunda sonuncu finalçı müəyyənləşib.

 “Qalatasaray” səfərdə “Malatyaspor”a 5:2 hesabı ilə qalib gəlib və finala yüksəlib. Bu komandalar arasında ilk matç qolsuz bərabərliklə yekunlaşmışdı.

“Malatyaspor” – “Qalatasaray” – 2:5
Qollar:
 Martin Linnes, 5 (0:1), Fequli, 39 (0:2), Aleksiç, 45-pen (1:2), Onyekuru, 58 (1:3), 74 (1:4), Kostas Mitroğlu, 83 (1:5), Mina, 89 (2:5)

Beləliklə, İstanbul təmsilçisi tarixində 23-cü dəfə adını kubokun finalına yazdırıb.

“Cim-Bom” həlledici görüşdə turnirin son qalibi “Akhisarspor”la qarşılaşacaq. Mat mayın 16-ı Sivasda oynanılacaq.