İqtisadçı ekspert: “Ölkədə uşaq pulları bərpa edilməli, 180 manata çatdırılmalıdır” [video]

İqtisadçı ekspert Nazim Bəydəmirli ölkədə əsas sosial problmlərdən olan uşaq pulları ilə bağlı “Abzas”-a açıqlama verib.

O öz açıqlamasında deyib ki, “Azərbaycanda hökümət uşaq pullarını illər öncə ölkədə demoqrafik problemin olmaması arqumentini səbəb gətirərək ləğv edib. Ancaq Azərbaycan dövləti sosial dövlət olduğu üçün uşaq pulları bərpa edilməlidir, çünki uşaq pulları təkcə doğumu stimullaşdırmır həm də bu vətəndaşın sağlam böyüməsi üçün dövlətin valideynlə bərabər uşağın məsuliyyətini bölüşmək deməkdir. Almaniya, İsveçrə kimi ölkələrdə uşaq pulları bəzən 20-25 yaşlarına qədər verilir.

İqtisadçı həmçinin dünya təcrübəsindən misal gətirirərək qeyd edib ki, “Prezidentin son sərəncamına qədər uşaq pulu birdəfəlik verilirdi və 90 manat idi, indi bu məbləği artırıblar və 200 manat ediblər. Ancaq bu yetərli deyil, Rusiyada bir ailədə ikinci uşaq olanda valideynlərə 8 min dollar vəsait verilir, Ukraynada bu rəqəm 2 min dollardır, Almaniyada 25 yaşına qədər hər ay uşaqlara təqribən 200 avro vəsait verilir. Almaniyada hətta məktəblilərə hər ay 10 avro vəsait verilir ki, tədrisdən kənar başqa bir işlə məşğul ola bilsinlər”.

Nazim Bəydəmirli Azərbaycanın beynəlxalq yarışlara böyük vəsaitlər xərclədiyini diqqətə çatdıraraq, ölkə vətəndaşlarının bu yarışlardan daha vacib olduğunu bildirib.

O Azərbaycanda əhalinin artımının yüksək olmasını səbəb gətirərək valideynlərə uşaq pulu verilməməsi ilə bağlı arqumentin də yanlış olduğunu deyir, belə ki, ekspertin dediyinə görə ölkədə insanların təbii artımı aşağıdır, bu rəqəmin 2,1-2,4 arası olmalı olduğuna baxmayaraq Azərbaycanda nisbətən aşağı 1,8 əmsalına bərabərdir.

İqtisadçı həmçinin ölkədə işsizliyin yüksək olmasının da uşaq pullarının bərpa edilməsinə arqument olduğunu deyir. Belə ki, Nazim Bəydəmirlinin sözlərinə görə ölkədə 10 milyon əhalidən cəmi 1 milyon 600 mini muzdla çalışır, 2 milyon 400 mini isə sığorta haqqı ödərəyək çalışır. Deməli, ortalama hesablasaq dörd nəfərdən ibarət bir ailədən cəmi bir nəfər işləyir. Orta aylıq əmək haqqı təqribən 550 manatdır. Ölkədə bir nəfər üçün yaşayış minimumu 180 manat olduğu üçün, bu o deməkdir ki, bir ailənin təkcə qidalanma və geyim üçün ayda 720 manat gəliri olmalıdır.

Ekspert həmçinin ölkədə tibbi sığortanın işləməməsinə də diqqət çəkərək, uşaqların doğulmasının xəstəxana xərclərinin də yüksək olduğunu, bunun üçün ən azı 1000-1500 manat tələb olunduğunu deyir.

İqtisadçı hökümətə təklif edir ki, uşaqlar doğularkən verilən birdəfəlik müavinət ən azı 5 dəfə artırılmalıdır. Uşaqar üçün yaşayış minimumu ən azı 180 manat olmalı və 18 yaşına qədər ödənilməlidir. Həmçinin, dünya praktikasına uyğun olaraq tələbələrə 23 yaşına qədər uşaq pulları verilməlidir.

Hökumət uşaqpulu məsələsi ilə bağlı niyə addım atmır?

Hökumət uşaqpulu məsələsi ilə bağlı niyə addım atmır? Bakı sakini: "Hökumət yaxşı hökumət olsa elə birinci uşaqların pulunu verər"Keçmiş millət vəkili, iqtisadçı ekspert Nazim Bəydəmirli: "Hökumət uşaqpulunu bərpa etməlidir. Birdəfəlik verilən müavinət ən azı 5 dəfə artırılmalıdır. Uşaqpulunun ləğvi ilə bağlı deyilənlər arqumentsizdir, populizmdir. Yaşayış minimumu uşaqlar üçün təmin olunmalıdır. 18 yaşına qədər ən azı 180 manat…" Uşaqpulu ilə bağlı ilin əvvəlində başlayan müzakirələr yarımçıq qaldı, hökumət bu məsələ ilə bağlı hər hansı addım atmadı. Bakı sakinlərinin rəyini soruşmuşuq. Baxın, paylaşın. Bizi Youtube-dan da izləyə bilərsiniz: bit.ly/2XHr7Te

Publicerat av Abzas.net Torsdag 13 juni 2019