Azərbaycan Meliorasiya və Su Təsərrüfatı cəmiyyəti 13 ildir ictimaiyyətə hesabat vermir

Əhməd Əhmədzadə, Azərbaycan Meliorasiya və Su Təsərrüfatı Açıq Səhimdar Cəmiyyətinin sədri.

2006-cı ilin fevral ayında yaranandan Azərbaycan Meliorasiya və Su Təsərrüfatı ASC (“Azmelsutəssərrüfat” SC) bir dəfə də olsun maliyyə hesabatını açıqlamayıb, görünür, heç bunu etməyə də hazırlaşmır.

Turan İnformasiya Agentliyi 2018-ci il üzrə birləşdirilmiş maliyyə hesabatı ilə bağlı “Azmelsutəssərrüfat”-ın mətbuat xidmətinə müraciət edib. SC-in mətbuat katibi Dilqəm Şərifov bildirib ki, “rəhbərlik hesabatın dərc edilməsini lazım bilmir. Biz yalnız hökumət qarşısında hesabat veririk”. İndi Turan İA bununla bağlı SC-ə yazılı sorğu ilə müraciət etmək niyyətindədir.