Erməni əsirliyi görmüş Qarabağ qazisi: “Məni erməni sındıra bilmədi, amma kasıbçılıq sındırdı”

Ömər Nəsibov Qarabağ müharibəsi dövründə Jurnalistika fakültəsinə yenicə daxil olmuş gənc imiş. O, məhşur reportyor-operator Seyidağa Mövsümlünün çəkdiyi Xocalı soyqırımı kadrlarını görəndən sonra universiteti yarıda qoyaraq müharibəyə getməyə qərara gəlib.

Qarabağ qazisinin sözlərinə görə, o, birinci dəfə Cəbrayıl rayonunda rabitə bölüyündə olub və 30-a yaxın döyüşdə iştirak edib. İkinci dəfə isə Füzuli rayonunda vuruşub. Füzuli rayonunun Aşağı Veysəlli kəndinə hücum zamanı Nəsibov başından ağır yaralanıb və ermənilərə əsir düşüb.

Nəsibovun sözlərinə görə, o altı aylıq əsirliyinin 4 ayını Şuşa həbsxanasında keçirib və orda ermənilər tərəfindən olmazın işgənclər, zülmlərlə üzləşib.

O dövlət xətti ilə əsirlikdən qaytarılandan sonra Sərhədd Qoşunlarının hərbi hospitalında müalicə olunsa da hospitaldan çıxanda ona xəstəlik tarixçəsi haqqında sənəd – epikriz verilməyib. Beləliklə Ömər Nəsibov qarabağ əlili adı ala bilməyib, sadəcə qarabağ qazisi adı ilə ayda 80 manat yardım alır.

Dolanışıq çətinliklərindən danışan Nəsibov deyir ki: “Məni erməni sındıra bilmədi, amma kasıbçılıq sındırdı. İndi kasıbçılıqla müharibəyə çıxmışam”.

Qarabağ qazisi indi kitab satışı ilə məşğuldur və övladlarına, xəstə həyat yoldaşına ordan gələn gəlirlər baxır.

Əvvəlki məqaləGürcüstan, Ukrayna, Litva, Latviya və Estoniya Rusiyanın AŞPA-ya qaytarılmasına etiraz edib
Növbəti məqalədəMəhkəmə keçmiş deputat Hüseyn Abdullayeva 6 il həbs cəzası verib