İlqar Məmmədov ReAl partiyasının parlament seçkilərinə qatılacağını elan etdi

REAl Partiyası birmənalı olaraq gələn il fevralın 9-da parlament seçkilərində iştirak edəcək. Bu barədə partiya lideri İlqar Məmmədov bildirib.

“Biz artıq hazırlığa başlamışıq. Yaxşı olardı ki, seçkilər bir az gec, yəni yazda keçirilsin. Amma madam belədirsə, fevrala hazır olmalıyıq”, – o qeyd edib.

İ.Məmmədovun sözlərinə görə, partiya siyahısında 90 namizədin adı  var. “Hazırda siyahının dəqiqləşdirilməsi üzərində iş gedir”, – o bildirib.