Oqtay Gülalıyev yenidən əməliyyat olunacaq

İstanbulda “Amerika Hospital” klinikasında müalicə alan hüquq müdafiəçisi Oqtay Gülalıyev yanvarın 10-da yenidən əməliyyat olunacaq.

Bu barədə onun oğlu Əli Gülalıyev məlumat yayıb.

Onun sözlərinə görə, atasının vəziyyətindəki müsbət dinamikaya baxmayaraq, həssaslığı qaytaran preparatlara hələ də zəif reaksiya verir.

“Ona görə də yanvarın 7-də onu yenidən MRT-dən keçirdilər. Beynində yenə də maye toplanması var. Bu səbəbdən atam növbəti dəfə əməliyyat ediləcək”, – Ə.Gülalıyev bildirib.