Milli Məclisin deputatları tətilə çıxdı

Bu gün Milli Məclisin 2020-ci il payız sessiyası başa çatıb.

Sessiyanın başa çatması ilə deputatlar tətilə çıxıb.

Milli Məclisin Daxili Nizamnaməsinə əsasən, səlahiyyəti dövründə Milli Məclis ildə iki dəfə – iyul ayının 15-dən avqust ayının 30-dək və yanvar ayının 1-dən 15-dək tətilə buraxılır. Tətil dövründə Milli Məclisin deputatları məzuniyyətdə sayılır. Tətil dövründə Milli Məclisin növbədənkənar sessiyası çağırıldıqda Milli Məclisin tətili növbədənkənar sessiyanın keçirildiyi müddətə dayandırılır və deputatlar həmin müddətə məzuniyyətdən geri çağırılırlar.

Azərbaycan Respublikası Konstitusiyasına uyğun olaraq Milli Məclis hər il yaz və payız sessiyalarına yığılır. Yaz sessiyası fevralın 1-də başlanır və mayın 31-dək davam edir. Payız sessiyası sentyabrın 30-da başlanır və dekabrın 30-dək davam edir. Fevralın 1-i və sentyabrın 30-u istirahət, səsvermə, iş günü hesab edilməyən bayram gününə düşərsə, sessiya bu gündən sonra gələn birinci iş günü öz işinə başlayır.

Əvvəlki məqaləTürkiyə müdafiə naziri: Ortaq mərkəzdə fəaliyyət göstərəcək şəxsi heyətimiz artıq Azərbaycana gedib
Növbəti məqalədəElman Nəsirov: “Rusiya sülhməramlıları öz missiyalarını yerinə yetirməkdə problem yaşayır”