Jurnalist Cəmil Məmmədli Quba rayon icra hakimi tərəfindən məhkəməyə verilib

Jurnalist Cəmil Məmmədli.

Müstəqil jurnalist Cəmil Məmmədli təqsirləndirilən şəxs qismində cəlb edib. Bu qərarı bu gün Quba rayon İcra Hakimiyyəti başçısı Ziyəddin Əliyevin xüsusi cinayət ittihamı qaydasında verdiyi iddianı icrata qəbul edən Xaçmaz rayon məhkəməsi verib.

Məhkəmə Məmmədlini Cinayət Məcəlləsinin 147-2-ci (ağır cinayətdə ittiham etməklə böhtan atma) və 148-ci (təhqir) maddələri ilə təqsirləndirilən şəxs qismində işə cəlb edib. Bu barədə Turan-a Məmmədli özü bildirib.

Jurnalist ittihamları təkzib edir, onları uydurma və peşə fəaliyyətinə görə onu cəzalandırmaq məqsədi daşıyan ittihamlar hesab edir.

“Əslində prokurorluq orqanları mənim Yutub və Feysbuk səhifəmdə yaydığım araşdırmada əksini tapan faktlara hüquqi qiymət verməlidir”, deyə jurnalist bildirib.

Cəmil Məmmədli ölkənin şimal bölgəsində baş verən hadisələri işıqlandıran müstəqil jurnalist kimi məşhurdur. O, uzun müddət “Azadlıq Radiosu”nun Azərbaycan xidmətinin bölgə müxbiri olub.

MƏNBƏTuran
Əvvəlki məqaləPaşinyan Putinlə görüşə bilmək üçün 7 günlük karantinə girib
Növbəti məqalədə“Uber” ayrıseçkilik etdiyinə görə bir milyon dollardan çox cərimə ödəyəcək