Antonio Quterreş yenidən BMT Baş katibi vəzifəsinə namizədliyini irəli sürüldü

BMT Təhlükəsizlik Şurası baş katib Antonio Quterreşin namizədliyini ikinci müddətə təqdim etməyə səs verib.

Bu barədə AFP xəbər verir.

Bununla bağlı yekdilliklə qərar verilməsi barədə şuranın hazırkı sədri, Estoniya nümayəndəsi Sven Yurgenson bildirib.

A.Quterreşin ikinci müddətə seçilməsi üçün BMT Baş Asambleyası rəsmi qərar verməlidir.

72 yaşlı diplomat, Portuqaliyanın sabiq xarici işlər naziri 2017-ci ildən BMT baş katibi vəzifəsindədir. Hazırda həmin vəzifəyə 10-dək namizəd olsa da, 193 üzv ölkədən heç biri onları dəstəkləmədiyindən həmin namizədliklər rəsmi statusa malik deyil.

A.Quterreş birinci səlahiyyət müddəti boyu daha çox ABŞ prezidenti Donald Trampın birtərəfli, millətçi xarici siyasətinin fəsadlarını minimuma endirmək istiqamətində səylərilə yadda qalıb.

Əvvəlki məqaləPaşinyan erməni əsirlərin əvəzinə oğlunu təklif etdi
Növbəti məqalədəABŞ qoşunlarının yarısı Əfqanıstandan çıxarıldı