AVRO-2020: UEFA futbolçulardan içki butulkalarına toxunmamağı xahiş edib

UEFA Avropa çempionatında mübarizə aparan milli komandalara müraciət edib.

Bu barədə AVRO-2020-nin direktoru Martin Kallen mətbuat konfransında deyib.

Onun sözlərinə görə, UEFA futbolçulardan mətbuat konfransı zamanı stolun üzərinə qoyulan içki şüşələrinə toxunmamağı xahiş edib: “Bu, vacib məsələdir. Çünki sponsorların gəliri həm turnir, həm də Avropa futbolu üçün çox önəmlidir”.

Qeyd edək ki, əvvəlcə Portuqaliya millisinin ulduz futbolçusu Kriştianu Ronaldu mətbuat konfransında AVRO-2020-nin sponsorlarından olan “Coca-Cola”dan imtina etməklə bağlı çağırış edib. Ardınca isə Fransa yığmasının yarımmüdafiəçisi Pol Poqba mətbuat konfransı zamanı pivə şüşəsini götürərək yerə qoyub.

Əvvəlki məqaləİranda prezident seçkiləri başlayıb
Növbəti məqalədəÇində sonsuzluq 12%-dən 18%-ə qalxıb