Avropa İttifaqı Rusiyaya sanksiyalarla bağlı qərar verib

Avropa İttifaqı Krımın və Sevastopolun işğalı ilə əlaqədar Rusiyaya tətbiq olunan sanksiyaların müddətini uzadıb. 

Avropa İttifaqının yaydığı məlumatda qeyd olunur ki, müddət 2022-ci ilin iyun ayına kimi uzadılıb. Qəbul edilən qərarla Krım və Sevastpol ərazisində Avropa İttifaqı ölkələrinin, o cümlədən şəxslərinin və şirkətlərinin fəaliyyətləri qadağan edilir.

Bura həmin bölgələrlə məhsul mübadiləsi, investisiya qoymaq və maliyyə dəstəyi göstərmək, kənd təsərrüfatına və mədən sənayesinə texnoloji dəstək daxildir.

Rusiya 18 Mart 2014-cü il tarixində Krım Muxtar Respublikanı və Sevastopol şəhərini qeyri-qanuni şəkildə ilhaq edib. Krımın Rusiya tərəfindən ilhaq edilməsi və Ukraynanın şərqində baş verən hadisələrdən sonra Avropa Birliyi, ABŞ və digər ölkələr Rusiyaya iqtisadi sanksiyalar tətbiq etməyə başlayıb.

Əvvəlki məqalə“Gəncə işi” üzrə həbs olunanların yaxınları etiraz aksiyası keçirib
Növbəti məqalədəYeni Zelandiyalı Habbard Olimpiyadanın ilk transseksual ağır atleti oldu