İran yeni prezidentini seçib

İbrahim Rəisi İranda keçirilən prezident seçkilərində iştirak etmiş 28,6 milyon seçicidən 17,6 milyon nəfərinin səsini qazanaraq qalib gəlib.

Bu barədə İranın Seçki Qərargahı məlumat yayıb.

Xatırladaq ki, əvvəlcə İran prezidenti vəzifəsi uğrunda 7 namizəd mübarizəyə qoşulsa da, sonradan onlardan üçü namizədliyini geri götürmüşdü. Əsas mübarizə İranın məhkəmə hakimiyyətinin rəhbəri İbrahim Rəisi, digər iki mühafizəkar siyasətçi – Məsləhət Şurasının katibi Möhsün Rzayi və İran parlamentinin vitse-spikeri Əmir Hüseyn Qazizade Haşimi, həmçinin İran Mərkəzi bankının keçmiş rəhbəri Əbdülnasir Himməti arasında gedib.

İranın hazırki prezidenti Həsən Ruhani ikinci müddəti tamamladığına görə seçkilərdə iştirak etmir. Ekspertlər İranın ali lideri Əli Xamneinin İbrahim Rəisini dəstəklədiyini bildirirlər.

Əvvəlki məqaləYusif Y: “Elə kitablar oxuyacağıma, açıb Tural Abbaslının nitqinə qulaq asaram”
Növbəti məqalədəRusiyadan Türkiyəyə: “Azərbaycanda hərbi baza açılsa, biz də addımlar atacağıq”