Məmmədyarovla Kasparov ilk dəfə üz-üzə

“Grand Chess Tour” şahmat seriyasının üçüncü mərhələsinin iştirakçıları məlum olub.

İyulun 7-dən 11-dək Xorvatiyanın paytaxtı Zaqrebdə keçiriləcək “Croatia Grand Chess Tour” adlı rapid turnirində ölkəmizi Şəhriyar Məmmədyarov təmsil edəcək.

Şəhriyar seriyanın birinci yarışı olmuş “Superbet Chess Classic Romania”-ın qalibi olub.

Artıq Xorvatiyada üz-üzə gələcək şahmatçıların adları da məlumdur. Beləliklə, Zaqrebdə Məmmədyarovdan başqa, fransız Maksim Vaşye-Laqraf, Niderland təmsilçiləri Aniş Giri və Yorden Van Forrest, rusiyalılar Yan Nepomnyaşiy və Aleksandr Qrişyuk, ukraynalı Anton Korobov, polyak Yan-Kşıştof Duda, meydan sahibi, xorvatiyalı İvan Sariç və xüsusi qonaq qismində turnirə dəvət olunan iki eks-dünya çempionu, hindistanlı Vişvanatan Anand və Rusiyanı təmsil edən əslən bakılı Hari Kasparovdur.

Turnir çərçivəsində baş tutacaq Məmmədyarov-Kasparov qarşılaşması hər iki şahmatçı üçün karyeralarında bir-birilərinə qarşı oynadığı ilk oyun olacaq. Qrossmeyster Şəhriyar Məmmədyarov indiyədək heç bir rəsmi oyunda Hari Kasparovla qarşılaşmayıb.

Əvvəlki məqaləAzərbaycanda qadın məhkumların saxlandığı cəzaçəkmə müəssisəsi köçürülür
Növbəti məqalədəABŞ İrana qarşı tətbiq etdiyi mindən çox sanksiyanı aradan qaldıracaq