Yeni Zelandiyalı Habbard Olimpiyadanın ilk transseksual ağır atleti oldu

Laurel Habbardın Yeni Zelandiyanın Tokio Olimpiyadası heyətinə seçilməsi transgender idmançıların böyük idman tədbirlərində iştirakı ilə bağlı müzakirələri yenidən başladıb.

Ağır atlet Laurel Habbard Tokio Olimpiyadasında Yeni Zelandiyanı təmsil etmək üçün seçilərək oyunlarda yarışan ilk transgender idmançı olub.

Laurel Habbard

Bazar ertəsi günü Yeni Zelandiyanı Tokioda təmsil edəcəyi təsdiqlənən beş ağırlıq qaldırandan biri olan 43 yaşlı Habbard oyunlarda iştirak edən ən yaşlı ağır atletdir. O, 87 kiloqramlıq super çəkidə mübarizə aparacaq.

Habbard Yeni Zelandiya Olimpiya Komitəsi (NZOC) tərəfindən yayımlanan açıqlamasında “Bu qədər Yeni Zelandiyalı tərəfindən mənə göstərilən xeyirxahlıq və dəstəyə görə minnətdaram” deyib.

“Üç il əvvəl Birlik Oyunlarında qolumu sındıranda idman karyeramın çox güman ki, sona çatdığını söylədilər. Ancaq dəstəyiniz, təşviqiniz və məhəbbətiniz məni qaranlıqda irəliləməyə sövq etdi”, o əlavə edib.

IOC transgender idmançılar üçün testosteronu məhdudlaşdırır

Habbard “Qavin Habbard” adı ilə həyatını 2013-cü ildə 35 yaşına qədəm qoyanda tamamlayıb.

O vaxtdan bəri Beynəlxalq Olimpiya Komitəsinin (IOC) transseksual idmançılar və ədalətli rəqabət qaydalarına uyğun olaraq bütün tələblərə cavab verib. Bu siyasət kişidən qadına keçid edən idmançıların Qadın kateqoriyasında mübarizə aparmaq şərtlərini vurğulayır.

İdmançı cinsiyyətini qadın olaraq elan etməli və idman məqsədi ilə ən azı dörd il bunu saxlamalıdır. İlk müsabiqəsindən əvvəl ən azı bir il ərzində testosteron səviyyələrinin litrə görə 10 nanomoldan aşağı olduğuna dair dəlillər də təqdim etməlidir.

Bununla birlikdə tənqidçilər sözügedən testosteron səviyyələrinin bioloji bir qadın üçün normal hesab ediləndən beş qat daha yüksək olduğunu iddia edirlər.

Belçikalı ağır atlet bu addımı “pis zarafat” adlandırdı

NZOC CEO-su Kereyn Smitin sözlərinə görə, Habbard IOC və Beynəlxalq Ağır Atletika Federasiyasının idmançılar üçün seçim meyarlarına cavab verib.

Kereyn Smit

“Biz qəbul edirik ki, idmanda gender identifikasiyası insan hüquqları ilə oyun sahəsində ədalət arasında balans tələb edən çox delikat və çətin məsələdir”, deyə Smit bildirib.

“Yeni Zelandiya Komandası olaraq güclü mədəniyyətə sahibik… hamı üçün hörmət”.

Ancaq bəzi digər qadın idmançılar bu qərarı Olimpiyadalarda medal qazanma şanslarına hücum kimi qiymətləndirirlər.

Belçikalı ağır atlet Anna Vanbellingen Habbardın Tokioda yarışmasına icazə verilməsinin qadın idmançılar üçün “pis zarafat” olduğunu söyləyib. O, transseksualların idmana qatılması üçün təlimatların müəyyənləşdirilməsinin çətin olduğunu etiraf etsə də, bildirib ki, “ağır atletikanı yüksək səviyyədə məşq edən hər kəs bunun doğru olduğunu bilir: bu konkret vəziyyət idmana və idmançılara qarşı haqsızlıqdır”.

Anna Vanbellingen

“Save Women’s Sport Australasia” adlı qadın idmançıların hüquqlarının müdafiəsi qrupu da Habbardın seçilməsini tənqid edib. Qrupun bəyanatında deyilir: “Bu, qadın kimi identifikasiya edilən 43 yaşlı bioloji kişinin Qadın kateqoriyasında seçilməsinə icazə verən BOK-un səhv siyasətidir”.

Habbard: “Mən hər kəs tərəfindən dəstəklənməyəcəm”

Habbard son açıqlamasında mübahisələrə münasibət bildirməyib. Buna baxmayaraq, daha əvvəllər o, ictimaiyyəti daha açıq düşüncəyə çağırıb.

“Edə biləcəyiniz tək şey diqqəti verilən tapşırığa yönəltməkdir. Və əgər bunu davam etdirsəniz, sizə çox kömək olacaq”, –  Habbard 2017-ci ildə “Stuff” xəbər saytına verdiyi müsahibədə deyib. “Hər kəsin məni dəstəkləməyəcəyini anlaya bilirəm. Amma ümid edirəm ki, qərəzsizliklərini qoruya və fəaliyyətimə daha geniş kontekstdə nəzər sala biləcəklər”.

“Bəlkə də bütün bunlardan keçmək üçün mənim kimi birinə uzun zamanın lazım olması faktı insanların təklif etdikləri bir çox problemlərin göründüyü kimi olmadığını göstərir”, o əlavə edib.

Əvvəlki məqaləAvropa İttifaqı Rusiyaya sanksiyalarla bağlı qərar verib
Növbəti məqalədəErməni hərbçilərdən ibarət növbəti qrup məhkəmə qarşısına çıxarılıb